Esther 3:8 — Compare Translations

Ilonggo (Ang Biblia (1982))

Niyan si Haman nagsiling kay Hari Asuero, “May katawohan nga nag-aplaag kag naglapta sa mga katawohan sa tanan nga puud sa imo ginharian; ang ila mga kasogoan tuhay sang sa tagsa ka katawohan, kag wala sila nagabantay sang mga kasogoan sang hari, busa indi kapuslanan sa hari nga pabay-an sila.

Ilonggo (Maayong Balita nga Biblia (2012))

Dayon si Haman nagsiling sa hari, “May grupo sang mga tawo nga nagaestar sa tanan nga sakop sang imo ginharian kag makita sa tagsa ka probinsya. Ang ila mga kasugoan lain gid sang sa iya sang iban nga mga tawo kag dugang pa, wala sila nagatuman sang imo mga kasugoan. Indi maayo sa imo paggahom nga pabay-an mo lang sila.

Ilonggo APD 2022 (Ang Pulong Sang Dios)

Karon, nagsiling si Haman kay Haring Ahasuerus, “May isa ka lahi sang katawhan nga nagaestar sa nagkalain-lain nga probinsya sang imo ginharian kag may kaugalingon sila nga kasuguan nga lain sang sa iban nga mga katawhan. Wala sila nagatuman sang imo mga kasuguan kag indi maayo para sa imo, Mahal nga Hari, nga pabay-an lang sila.