Exodus 16:4 — Compare Translations

Ilonggo (Ang Biblia (1982))

Niyan ang Ginoo nagsiling kay Moises, “Yari karon, paulanon ko sa inyo ang tinapay gikan sa langit; kag ang katawohan magagowa kag magatipon sa adlawadlaw sang bahin sa tagsa ka adlaw, agud nga akon sila matilawan, kon magalakat sila sa akon kasogoan ukon indi.

Ilonggo (Maayong Balita nga Biblia (2012))

Ang Ginoo nagsiling kay Moises, “Karon paulanon ko sa inyo ang pagkaon halin sa langit. Ang mga tawo magagwa kag magapanguha kada adlaw sing pagkaon nga ila kinahanglanon para sa sina nga adlaw. Sa sini nga paagi akon sila nga tilawan kon ila tumanon ang akon mga sugo.

Ilonggo APD 2022 (Ang Pulong Sang Dios)

Dayon nagsiling ang Ginoo kay Moises, “Pamati! Paulanon ko sang tinapay halin sa langit para sa inyo. Kada adlaw magpanguha ang mga Israelinhon sang tinapay para sa sina lang nga adlaw. Sa sini nga paagi testingan ko sila kon bala tumanon nila ukon indi ang akon mga sugo.