Exodus 32:1 — Compare Translations

Ilonggo (Ang Biblia (1982))

Sang nakita sang katawohan nga si Moises nagpalantang sa pagdulhog sa bukid, nagtipon sing tingub ang katawohan kay Aaron, kag nagsiling sa iya, “Tindug ka, himoi kami sing mga dios, nga magauna sa amon; kay nahanungud sining Moises, ang lalaki nga nagpagowa sa amon gikan sa duta sang Egipto, wala kami makahibalo kon ano ang nahanabu sa iya.”

Ilonggo (Maayong Balita nga Biblia (2012))

Sang matalupangdan sang mga tawo nga si Moises nagdugay sa ibabaw sang bukid, kag wala magdulhog, nagtipon sila sa palibot ni Aaron kag nagsiling sa iya, “Dali, himoi kami sing dios nga magapangulo sa amon, kay wala namon mahibal-i kon ano ang natabo sining tawo nga si Moises, nga nagpagwa sa amon halin sa Ehipto.”

Ilonggo APD 2022 (Ang Pulong Sang Dios)

Sang matalupangdan sang mga tawo nga kadugay kay Moises magpanaog sa bukid, nagtipon sila kay Aaron kag nagsiling, “Sige na! Himui kami sang dios nga magapanguna sa amon, tungod nga wala kita kahibalo kon ano na ang natabo sining tawo nga si Moises nga nagpaguwa sa aton sa Egypt.”