Exodus 34:10 — Compare Translations

Ilonggo (Ang Biblia (1982))

Kag nagsiling sia, “Yari karon, nagahimo ako sing katipan. Sa atubangan sang bug-os mo nga katawohan magahimo ako sing mga katingalahan, subong sang wala pa nga mas-a mahimo sa bug-os nga duta ukon sa bisan ano nga pungsud; kag ang bug-os nga katawohan diin yara ka makakita sang binuhatan sang Ginoo; kay butang nga makahalanguyus ang himoon ko upud sa imo.

Ilonggo (Maayong Balita nga Biblia (2012))

Ang Ginoo nagsiling kay Moises, “Karon magahimo ako sing isa ka kasugtanan sa mga tawo sang Israel. Sa ila atubang magahimo ako sang gamhanan nga mga buhat nga wala pa gid mahimo sa bug-os nga duta, sa bisan diin nga pungsod. Ang tanan nga mga tawo nga kaupod nimo makakita kon ano ang dalagku nga mga butang nga himuon ko, ako ang Ginoo, tungod kay ako magahimo sang isa ka makakulogmat nga butang para sa inyo.

Ilonggo APD 2022 (Ang Pulong Sang Dios)

Nagsiling ang Ginoo, “Pamati! Himuon ko ini nga kasugtanan sa inyo. Sa atubangan sang tanan mo nga kasimanwa, mahimo ako sang makatilingala nga mga butang nga wala ko pa gid nahimo sa bisan diin nga nasyon sa bilog nga kalibutan. Ang mga katawhan sa palibot ninyo makakita sang sini nga mga butang nga himuon ko para sa imo.