Ezekiel 12:7 — Compare Translations

Ilonggo (Ang Biblia (1982))

Kag ginhimo ko ang subong sini sono sa ginsogo sa akon. Ginpagowa ko ang akon balon sa adlaw, subong sang balon sa pagliton, kag sa kahaponon nagguhab ako sa kuta sa akon kamut; ginpagowa ko ini sa kadudulman, kag ginpas-an ini sa ila itololok.

Ilonggo (Maayong Balita nga Biblia (2012))

Gintuman ko ang sugo sang Ginoo sa akon. Sadto nga adlaw naghimos ako sang akon mga dalal-on pareho sang ginahimo sang isa ka bihag, kag sang pagdulom sadto nga gab-i nagguhab ako sa pader paagi sa akon mga kamot kag naggwa. Ginpas-an ko ang akon mga dala kag naglakat samtang nagatan-aw sila sa akon.

Ilonggo APD 2022 (Ang Pulong Sang Dios)

Gani gintuman ko ang iya ginsugo. Sang adlaw, naghimos ako sang akon dalal-on, kag pagkagab-i ginbuslutan ko ang dingding paagi sa akon kamot. Kag samtang nagatan-aw sila, ginpas-an ko ang akon dala kag naglakat sa kagab-ihon.