Ezekiel 13:10 — Compare Translations

Ilonggo (Ang Biblia (1982))

Bangud nga, bangud gid nga ginhaylo nila ang akon katawohan, nga nagasiling, ‘Paghidait,’ nga walay paghidait; kag kon ang isa nagapatindug sing kuta, yari karon, ginagalagalahan nila ini sang wala masimbogi;

Ilonggo (Maayong Balita nga Biblia (2012))

“Ang mga propeta nagapatalang sang akon mga tawo paagi sa pagsiling nga maayo ang tanan. Pero wala gid sing maayo! Ang akon mga tawo nagpatindog sang pader nga indi mabakod, kag dayon ang mga propeta nag-abot kag ginkapulkapolan ini sing lunang.

Ilonggo APD 2022 (Ang Pulong Sang Dios)

“Ini nga mga propeta nagapatalang sa akon katawhan paagi sa pagsiling nga maayo ang tanan, pero indi gali maayo. Daw pareho lang nga nagapatindog ang mga tawo sang pigaw nga pader, kag ginapulupintahan lang ini sang mga propeta sang apog.