Ezekiel 13:19 — Compare Translations

Ilonggo (Ang Biblia (1982))

Ginpasipalahan ninyo ako sa tunga sang akon katawohan tungud sa mga tinapnay nga sebada kag tungud sa mga tinipik nga tinapay, sa pagpatay sang mga kalag nga indi dapat mapatay, kag sa pagluwas nga buhi sang mga kalag nga indi dapat magkabuhi, sa inyo pagbutig sa akon katawohan, nga nagapamati sa kabutigan.

Ilonggo (Maayong Balita nga Biblia (2012))

Ginapakahuy-an ninyo ako sa atubang sang akon mga tawo agod makakuha kamo sing pila ka hakop nga sebada kag pila ka bilog nga tinapay. Ginapamatay ninyo ang mga tawo nga indi dapat mapatay kag ginabuhi ninyo ang mga tawo nga indi dapat magkabuhi. Gani nagasugid kamo sing mga binutig sa akon mga tawo, kag nagapati sila sa inyo.”

Ilonggo APD 2022 (Ang Pulong Sang Dios)

Wala ninyo ako ginarespeto sa atubangan sang akon katawhan tungod lang sa pila ka hakop nga barley kag pila ka bilog nga tinapay. Paagi sa inyo pagbinutig, ginadeklarar ninyo nga mapatay ang indi dapat mapatay, kag ginadeklarar man ninyo nga indi mapatay ang dapat mapatay. Kag nagapati ang akon katawhan sa inyo binutig.