Ezekiel 28:16 — Compare Translations

Ilonggo (Ang Biblia (1982))

Tungud sa kabugana sang imo pagpatikang ginpuno nila ang tunga mo sing panglugus, kag nakasala ka; busa ginpilak ko ikaw subong nga pinasipalahan gikan sa bukid sang Dios, kag ginlaglag ka sang querubin nga nagapanabon gikan sa tunga sang mga bato nga kalayo.

Ilonggo (Maayong Balita nga Biblia (2012))

Masako ka sa imo negosyo kag tungod sini nagpamintas ka kag nagpakasala. Gani gintabog ko ikaw gikan sa akon balaan nga bukid. Ang anghel nga nagbantay sa imo nagtabog sa imo gikan sa tunga sang nagaigpat-igpat nga mga alahas.

Ilonggo APD 2022 (Ang Pulong Sang Dios)

Ang imo madamo nga negosyo nangin kabangdanan sang imo pagpamintas kag pagpakasala. Gani gintabog ko ikaw halin sa balaan ko nga bukid; ginpahalin ko ikaw sa nagabadlak nga mga bato.