Ezekiel 30:6 — Compare Translations

Ilonggo (Ang Biblia (1982))

“Amo ini ang ginasiling sang Ginoo: Mapukan man ang mga nagasakdag sa Egipto, kag ang bugal sang iya gahum magapaidalum; kutub sa torre sang Sevene mapukan sila sa iya sa espada, nagasiling ang Ginoong Dios.

Ilonggo (Maayong Balita nga Biblia (2012))

Ang Ginoo nagasiling, “Halin sa Migdol sa aminhan pakadto sa Syene sa bagatnan, ang tanan nga nagaapin sa Ehipto magakalamatay sa inaway. Ang bugalon nga mga hangaway sang Ehipto malaglag. Ako, ang Ginoo nga Gamhanan, amo ang naghambal sini.

Ilonggo APD 2022 (Ang Pulong Sang Dios)

Ako, ang Ginoong Dios, nagasiling nga malaglag gid ang mga kadampig sang Egypt, kag madula ang ginapabugal niya nga gahom. Magakalamatay ang iya mga pumuluyo halin sa Migdol pakadto sa Aswan.