Ezekiel 32:29 — Compare Translations

Ilonggo (Ang Biblia (1982))

“Didto ang Edom, ang iya mga hari kag ang tanan niyang principe, nga sa ila gahum ginpahamyang upud sa mga pinatay sa espada; magahamyang sila upud sa mga dicircuncidado nga upud sa mga nagapanaug sa Boho.

Ilonggo (Maayong Balita nga Biblia (2012))

“Ang Edom yadto didto upod sa iya mga hari kag mga pangulo. Gamhanan sila nga mga soldado, pero karon nagahamyang sila sa kalibutan sang mga patay upod sa mga di-tinuli nga nagkalamatay sa inaway.

Ilonggo APD 2022 (Ang Pulong Sang Dios)

“Ara man didto sa lugar sang mga patay ang mga hari sang Edom kag ang tanan nga opisyal sini. Gamhanan sila sadto, pero subong nagahamyang sila sa lugar sang mga patay upod sa mga wala nagtuo sa Dios nga nagkalamatay sa inaway.