Ezekiel 43:11 — Compare Translations

Ilonggo (Ang Biblia (1982))

Kag kon mahuya sila sang tanan nga ila nahimo, ipakilala sa ila ang dagway sang templo, ang pagpahamtang sa iya, ang iya mga golowaan kag ang iya mga salamputan, kag ang tanan niyang dagway; kag ipakilala sa ila ang tanan niyang pagsolondan, kag tanan niyang kasogoan; kag isulat ini sa ila itololok, agud nga bantayan nila kag tumanon ang tanan niyang kasogoan kag ang tanan niyang pagsolondan.

Ilonggo (Maayong Balita nga Biblia (2012))

Dayon kon magkahuya sila sang ila ginhimo, isaysay sa ila ang plano sang Templo: ang desinyo sini, ang iya mga alagyan pasulod kag pa gwa, ang iya korte, ang pagpahamtang sang tanan nga bahin, ang iya mga kasugoan kag mga pagsulondan. Isulat mo ini tanan para sa ila agod ila makita kon paano ang pagpahamtang sang tanan nga mga butang kag matuman nila ang tanan nga mga kasugoan.

Ilonggo APD 2022 (Ang Pulong Sang Dios)

Kon mahuya na gani sila sa tanan nila nga mga binuhatan, ilarawan sa ila ang pagpaobra sini, pati ang iya mga alagyan kag mga puwertahan, kag ang iya bilog nga porma. Isulat mo ang mga pagsulundan sa pagpaobra sini samtang nagatulok sila para masunod gid nila sing maayo.