Ezekiel 46:2 — Compare Translations

Ilonggo (Ang Biblia (1982))

Ang principe magasulud paagi sa alagyan sang portico sang gawang nga nagowa, kag magatindug sa luyo sang haligi sang gawang. Ang mga sacerdote magaaman sang iya halad-nga-sinonog kag sang iya mga halad-sa-paghidait, kag magasimba sia sa atangan sang gawang. Niyan magagowa sia, apang dili pagtakpan ang gawang tubtub sa kahaponon.

Ilonggo (Maayong Balita nga Biblia (2012))

Ang nagagahom nga pangulo magahalin sa nagwa nga pasiyuhan pakadto sa entrada nga kwarto sang alagyan kag magatindog sa tupad sang mga haligi sang pwerta samtang ang mga pari nagadulot sang iya mga halad nga sinunog sing bug-os kag mga halad sa paghiambit. Dapat magasimba sia didto sa pwerta, dayon magabalik sia paggwa. Ang pwerta indi dapat pagtakpan tubtob sa gab-i.

Ilonggo APD 2022 (Ang Pulong Sang Dios)

Ang pangulo magaagi sa alagyan nga nagaatubang sa east kag magatindog siya sa tupad sang puwertahan samtang nagahalad ang mga pari sang iya halad nga ginasunog kag sang iya halad nga para sa maayo nga relasyon. Magasimba ang pangulo didto sa may puwertahan kag pagkatapos magaguwa siya, pero ang puwertahan indi pagsiradhan hasta maggab-i.