Ezekiel 46:20 — Compare Translations

Ilonggo (Ang Biblia (1982))

Kag nagsiling sia sa akon, “Ini amo ang duug diin maglaga ang mga sacerdote sang halad-sa-paglapas kag halad-tungud-sa-sala, kag diin sila magabibingka sang halad-nga-kalan-on, agud nga indi nila sila madala sa gowa pakadto sa nagowa nga luwang sa pagpakabalaan sang katawohan.”

Ilonggo (Maayong Balita nga Biblia (2012))

kag nagsiling, “Amo ini ang lugar sa diin ang mga pari magalaga sang karne nga ginadulot subong mga halad tungod sa sala ukon paglapas, kag sa pagluto sang mga halad nga kalan-on, agod wala sing butang nga balaan nga dalhon sa nagwa nga pasiyuhan, sa diin mahalitan ang mga tawo.”

Ilonggo APD 2022 (Ang Pulong Sang Dios)

Nagsiling siya sa akon, “Dira nga lugar ang mga pari magaluto sang halad nga bayad sa sala, halad sa pagpakatinlo, kag sang halad nga regalo. Dira nila ina lutuon para malikawan nila ang pagdala sang mga halad sa guwa nga ugsaran. Sa sini nga paagi indi maapektuhan ang mga tawo sang pagkabalaan sini.”