Ezra 4:12 — Compare Translations

Ilonggo (Ang Biblia (1982))

Kag karon mahibaloan sang hari nga ang mga Judio nga nagtaklad gikan sa imo nag-abut sa amon sa Jerusalem. Nagpatindug sila sang banwa nga malalison kag malain; ginahingapus nila ang mga kuta kag ginakaayo ang mga sadsaran.

Ilonggo (Maayong Balita nga Biblia (2012))

“Luyag namon, Mahal nga Hari, nga mahibaluan mo nga ang mga Judio nga nag-abot diri gikan sa imo iban nga mga kadutaan nag-estar sa Jerusalem kag nagapatindog liwat sinang malaut kag mabinatuon nga siudad. Nagsugod sila sa pagkaayo sang mga pader kag sa indi madugay matapos na nila ini.

Ilonggo APD 2022 (Ang Pulong Sang Dios)

“Mahal nga Hari, gusto namon nga mahibaluan mo nga ginapatindog liwat sang mga Judio ang siyudad sang Jerusalem, nga ang mga pumuluyo sini permi malain kag rebelde. Ini sila nag-abot sa sini nga siyudad halin sa mga lugar nga sakop mo. Ginakay-o na gani nila ang mga pader pati ang mga pundasyon sini.