Genesis 20:17 — Compare Translations

Ilonggo (Ang Biblia (1982))

Niyan si Abraham nagpangamuyo sa Dios; kag gin-ayo sang Dios si Abimelec, kag ang iya asawa man kag mga alagad nga babayi sa bagay nga nag-anak sila.

Ilonggo (Maayong Balita nga Biblia (2012))

Tungod sang natabo kay Sara nga asawa ni Abraham, ginbuot sang Ginoo nga indi na makapamata ang tanan nga mga babayi sa panimalay ni Abimelec. Gani si Abraham nagpangamuyo para kay Abimelec kag gin-ayo sia sang Dios. Gin-ayo man sang Dios ang asawa ni Abimelec kag ang iya mga ulipon nga babayi, agod nga makapamata sila.

Ilonggo APD 2022 (Ang Pulong Sang Dios)

Tungod sa pagkuha ni Abimelec kay Sara, ginbuot sang Ginoo nga indi makabata ang tanan nga babayi sa iya panimalay. Gani nagpangamuyo si Abraham sa Dios, kag gin-ayo sang Dios ang asawa ni Abimelec kag ang iya mga ulipon nga mga babayi para makabata sila liwat. Gin-ayo man sang Dios si Abimelec sa iya balatian.