Genesis 4:17 — Compare Translations

Ilonggo (Ang Biblia (1982))

Ginkilala ni Cain ang iya asawa, kag nagpanamkon sia kag nag-anak kay Enoc; kag nagpatindug sia sing banwa, kag gintawag niya ang banwa sono sa ngalan sang iya anak, Enoc.

Ilonggo (Maayong Balita nga Biblia (2012))

Si Cain nagpakighirop sa iya asawa. Ang iya asawa nagbusong kag nagbata sing isa ka lalaki kag ginhingalanan nila sia kay Enoc. Sang ulihi si Cain nagpasad sing isa ka siudad kag ginhingalanan niya ini sang ngalan sang iya anak nga si Enoc.

Ilonggo APD 2022 (Ang Pulong Sang Dios)

Karon, naghulid si Cain sa iya asawa. Nagbusong ang iya asawa kag nagbata sing lalaki kag gin-ngalanan nila nga Enoc. Nagtukod si Cain sang isa ka banwa kag gin-ngalanan niya nga Enoc pareho sa ngalan sang iya anak.