Genesis 46:34 — Compare Translations

Ilonggo (Ang Biblia (1982))

magasiling kamo, ‘Ang imo mga alagad mga manugbantay sang kahayupan kutub sang amon pagkapamatan-on tubtub karon, tingub kami kag ang amon mga ginikanan,’ agud nga kamo magpuyo sa duta sang Gosen; kay kangil-aran sa mga Egiptohanon ang mga manugpahalab.”

Ilonggo (Maayong Balita nga Biblia (2012))

kinahanglan magsabat kamo nga mga manugbantay kamo sang mga hayop halin sang magamay pa kamo, subong sang inyo mga katigulangan. Sa sini nga paagi, iya kamo paestaron sa duta sang Gosen.” Ginsiling niya ini tungod kay ang mga Ehiptohanon nahigkuan sa mga manugbantay sang mga karnero.

Ilonggo APD 2022 (Ang Pulong Sang Dios)

silingon ninyo nga manugbantay kamo sang sapat halin sang gagmay pa kamo pareho sang inyo mga ginikanan, para paestaron niya kamo sa Goshen. Kay nalainan ang mga taga-Egypt sa mga manugbantay sang sapat.”