Haggai 1:6 — Compare Translations

Ilonggo (Ang Biblia (1982))

Nakasab-ug kamo sing madamu, kag nagatipon sing diotay; nagakaon kamo, apang wala kamo mabusug; nagainum kamo, apang wala kamo maayawi sing ilimnon; nagapanaput kamo, apang wala gid sing nag-init; kag ang mga nagabaton sing sohol nagabaton sing mga sohol sa pagsulud sini sa puyo nga may mga buslot.

Ilonggo (Maayong Balita nga Biblia (2012))

Nagsab-og kamo sing madamo nga trigo, pero diutay ang inyo naani. May kalan-on kamo, pero hawuthawot. May bino kamo, pero kulangkulang! May bayu kamo, pero indi ini tuman nga makahapin sa inyo sa tugnaw. Kag ang mga mamumogon indi mabuhi sa ila suhol.

Ilonggo APD 2022 (Ang Pulong Sang Dios)

Madamo ang inyo ginatanom, pero diutay lang ang inyo ginaani. May pagkaon kamo, pero indi bastante. May ilimnon kamo, pero kulang-kulang ini. May bayo kamo, pero indi tuman nga makakuha sang tugnaw. May ginabaton kamo nga suweldo, pero madali lang ini maubos.