Hosea 2:12 — Compare Translations

Ilonggo (Ang Biblia (1982))

Kag laglagon ko ang iya mga uvas kag ang iya mga higuera, nga nahanungud sa ila nagsiling sia, ‘Ini sila amo ang akon hinakay, nga ginhatag sa akon sang akon mga hinigugma.’ Himoon ko sila nga talon, kag kaonon sila sang kasapatan sang latagon.

Ilonggo (Maayong Balita nga Biblia (2012))

Laglagon ko ang iya katamnan sang ubas kag ang iya mga kahoy nga higera, nga siling niya ginhatag sang iya mga lalaki sa iya tungod sang paghatag niya sang iya kaugalingon sa ila. Himuon ko nga manginkatalunan ang iya katamnan sang ubas kag mga prutas, kag ang talunon nga mga sapat magalaglag sini.

Ilonggo APD 2022 (Ang Pulong Sang Dios)

Pierdihon ko ang iya mga tanom nga ubas kag mga kahoy nga higera nga siling niya ginbayad sa iya sang iya mga lalaki. Himuon ko ang mga talamnan sini nga masiot nga kakahuyan, kag ang mga bunga sini kaunon sang talunon nga mga sapat.