Hosea 8:7 — Compare Translations

Ilonggo (Ang Biblia (1982))

Kay nagasab-ug sila sang hangin, kag nagaani sila sang buhawi. Wala sia sing alanyon, ang sublak indi magpatubas sing harina; kon magpatubas ini, ang mga dumoloong magalamon sini.

Ilonggo (Maayong Balita nga Biblia (2012))

Kon magpanggas sila sing hangin, magaani sila sing bagyo! Ang nagatindog nga trigo nga wala sing uhay indi makapatubas sing kalan-on. Pero kon makapatubas gid man ini, ang mga dumoluong magaubos sini kaon!

Ilonggo APD 2022 (Ang Pulong Sang Dios)

“Pareho lang nga nagapanggas sila sang hangin kag nagaani sang buhawi. Pareho man sa trigo nga wala sing uhay, indi ini makahatag sang kalan-on. Pero bisan makahatag man, ang mga taga-iban nga lugar amo ang magalamon sini.