Isaiah 23:13 — Compare Translations

Ilonggo (Ang Biblia (1982))

Yari karon ang duta sang mga Caldeanhon! Ini nga katawohan wala na; ginpasad ini sang Asiriahanon tungud sa mga nagapuyo sa kamingawan. Ginpatindug nila ang ila mga torre, ginlaglag nila ang ila mga palacio, ginguba nila ini.

Ilonggo (Maayong Balita nga Biblia (2012))

Indi ang mga taga-Asiria kundi ang mga taga-Babilonia amo ang nagpasalakay sang Tiro sa mga sapat nga talunon. Ang mga taga-Babilonia amo ang nagpatindog sang mga tore nga amo ang gamiton sa pagsalakay, ginpangguba nila ang mga pamakod sang Tiro, kag ginlaglag nila ang siudad.

Ilonggo APD 2022 (Ang Pulong Sang Dios)

Tan-awa bala ninyo ang duta sang mga taga-Babilonia. Diin na karon ang katawhan sini? Ginhimo sang Assyria ang Babilonia nga elistaran sang talunon nga mga sapat. Kay ginsalakay nila ini, ginwasak ang mabakod nga mga parte sini, kag ginpabay-an nga guba.