Isaiah 31:1 — Compare Translations

Ilonggo (Ang Biblia (1982))

Kailo ang mga nagadulhog sa Egipto sa pagpabulig kag nagasandig sa mga kabayo nga nagasalig sa mga kangga bangud nga madamu sila kag sa mga manugkabayo bangud nga makusug gid sila, apang wala sila magtolok sa Balaan sang Israel ukon nagapangita sa Ginoo!

Ilonggo (Maayong Balita nga Biblia (2012))

Ang mga nagakadto sa Ehipto sa pagpangayo sang bulig tapos gid! Nagasalig sila sa daku nga kusog sang mga hangaway sang Ehipto—mga kabayo, mga karwahi sa inaway, kag mga soldado. Pero wala sila nagasalig sa Ginoo, ang balaan nga Dios sang Israel, ukon nagapangayo sang bulig sa iya.

Ilonggo APD 2022 (Ang Pulong Sang Dios)

Kaluluoy kamo nga nagapangayo sang bulig sa Egypt. Nagasalig kamo sa madasig nila nga mga kabayo, sa madamo nila nga mga karwahe, kag sa makusog nila nga mga manugkabayo. Pero wala kamo nagasalig sa Ginoo, ang Balaan nga Dios sang Israel, kag wala kamo nagapangayo sang bulig sa iya.