Isaiah 34:14 — Compare Translations

Ilonggo (Ang Biblia (1982))

Kag ang mga sapat nga talonon sang desierto magakilita upud sang mga lobo, ang kanding nga talonon magatawag sa iya kaupud; hoo, ang sapat sang kagab-ihon magahukmong didto, kag makakita sia sing duug nga palahuwayan.

Ilonggo (Maayong Balita nga Biblia (2012))

Ang mga sapat nga talunon magatilipon didto kag ang mga demonyo magatawag sa isa kag isa. Ang daku nga mga sapat sa kagab-ihon magakadto didto nga nagapangita sing lugar nga mapahuwayan.

Ilonggo APD 2022 (Ang Pulong Sang Dios)

Ang talunon nga mga sapat kag ang mga hyena magakilita didto. Ang maila nga mga kanding didto magatawag sa ila mga kaupod, kag ang demonyo nga nagaguwa kon gab-i magakadto didto sa pagpahuway.