Isaiah 37:24 — Compare Translations

Ilonggo (Ang Biblia (1982))

Paagi sa imo mga alagad ginhangkat mo ang Ginoo, kag ikaw nagsiling, Sa kadam-an sang akon mga kangga nagataklad ako sa kataasan sang mga bukid, sa nasulud gid nga mga bahin sang Libano; pudlon ko ang mataas nga mga cedro sa iya, ang pili nga mga abeto sa iya; magasulud ako sa malayo gid nga kataasan, ang talon sang iya mabungahon nga latagon.

Ilonggo (Maayong Balita nga Biblia (2012))

Ginpadala mo ang imo mga alagad sa pagpabugal sa akon nga tungod sang tanan mo nga mga karwahi gintaklad mo ang pinakamataas nga mga bukid, bisan ang putokputokan sang bukid sang Libano. Nagpabugal ka nga napukan mo ang pinakamataas nga sedro kag ang pinakamaayo nga kahoy nga sipre, kag imo nalambot ang pinakamalayo nga bahin sang mga kagulangan.

Ilonggo APD 2022 (Ang Pulong Sang Dios)

Paagi sa imo mga alagad, ginyaguta mo ako. Nagsiling ka pa, ‘Paagi sa akon madamo nga karwahe nasaka ko ang mataas nga mga bukid, ang putokputokan sang mga bukid sang Lebanon. Ginpangtapas ko ang iya pinakamataas nga sedro kag pinakamaayo nga sipres. Nakaabot ako sa putokputokan sini nga may madabong nga kakahuyan.