Isaiah 37:30 — Compare Translations

Ilonggo (Ang Biblia (1982))

“Kag amo ini ang tanda sa imo: sa sining tuig magakaon kamo sang nagatubo sa iya kaugalingon, kag sa ikaduhang tuig sang nagatubo sa amo man; niyan sa ikatlong tuig magasab-ug kamo kag magaani, kag magatanum sang mga ulubasan, kag magakaon sang bunga nila.

Ilonggo (Maayong Balita nga Biblia (2012))

Dayon si Isaias nagsiling kay Haring Ezequias, “Yari ang tanda kon ano ang mahanabo. Karon kag sa masunod nga tuig ang inyo pagakaunon amo ang mga uyas nga nagtubo lamang, pero sa madason nga tuig sarang na kamo makatanom kag makaani sing uyas, kag makatanom sang ubas kag magkaon sang iya mga bunga.

Ilonggo APD 2022 (Ang Pulong Sang Dios)

Dayon nagsiling si Isaias kay Hezekia, “Amo ini ang tanda nga proteksyunan sang Ginoo ang Jerusalem sa mga taga-Assyria: Karon nga tuig ang inyo kaunon amo ang mga bunga sang mga tanom nga nagtubo lang, kag sa sunod nga tuig amo ang mga bunga naman sang mga tanom nga nagtubo sa gintubuan man sadto. Pero sa ikatatlo nga tuig makatanom na kamo sang uyas kag makaani. Makatanom man kamo sang mga ubas kag makakaon sang bunga sini.