Isaiah 37:4 — Compare Translations

Ilonggo (Ang Biblia (1982))

Ayhan ang Ginoo nga imo Dios magapamati sang mga polong ni Rabsaces, nga ginpadala sang hari sang Asiria nga iya agalon sa paghangkat sa Dios nga buhi, kag magasabdong sang mga polong nga nabatian sang Ginoo nga imo Dios; busa bayawa ang imo pangamuyo tungud sa salin nga nabilin.’”

Ilonggo (Maayong Balita nga Biblia (2012))

Ang hari sang Asiria nagpadala sang iya pangulo nga opisyal sa pagyaguta sa buhi nga Dios. Kabay ang Ginoo nga imo Dios makabati sini nga mga pagyaguta kag silutan ang mga naghambal sini. Gani magpangamuyo ka sa Dios para sa aton mga tawo nga nabilin.”

Ilonggo APD 2022 (Ang Pulong Sang Dios)

Ginsugo sang hari sang Assyria ang iya kumander sa pagyaguta sa buhi nga Dios. Basi pa lang talupangdon sang Ginoo nga imo Dios ang ginsiling sang kumander kag silutan siya sa iya mga ginhambal. Gani magpangamuyo ka para sa aton nga nagkalabilin.”