Isaiah 43:9 — Compare Translations

Ilonggo (Ang Biblia (1982))

Pagtiponon sing tingub ang tanan nga pungsud, kag tiponon ang mga katawohan. Sin-o bala sa ila ang makapahayag sini, kag magpakita sa aton sang nahauna nga mga butang? Padalha sila sang ila mga saksi agud nga mapakamatarung sila, ukon papamati-a sila kag magsiling, Kamatooran ini.

Ilonggo (Maayong Balita nga Biblia (2012))

Ipatawag ang mga kapungsoran sa pagtambong sa bista. Sin-o sang ila mga dios ang makatagna sang palaabuton? Sin-o sa ila ang nagtagna kon ano ang nagakahanabo karon? Ipadala sa sini nga mga dios ang ila mga saksi sa pagpamatuod nga husto sila, sa pagsaksi nga matuod ang ila ginahambal.

Ilonggo APD 2022 (Ang Pulong Sang Dios)

Patipuna sing tingob ang tanan nga katawhan sang nasyon. Sin-o sa ila mga dios-dios ang makapropesiya sang palaabuton? Sin-o sa ila ang nagsugid sang una sang mga nagakalatabo subong? Padal-a sila sang mga saksi sa pagpamatuod nga husto sila para makabati sini ang iban kag magsiling nga matuod gid man.