Isaiah 44:16 — Compare Translations

Ilonggo (Ang Biblia (1982))

Ginagatong niya ang bahin sini sa kalayo; sa bahin sini nagakaon sia sing unud, nagaasal sia kag nabusug sia; nagapainit man sia sang iya kaugalingon kag nagasiling, “Aha, mainit na ako, nakakita ako sing kalayo!”

Ilonggo (Maayong Balita nga Biblia (2012))

Ang iban nga kahoy ginagatong niya sa kalayo, nagaasal sia sang karne, ginakaon ini, kag nagakabusog. Nagapainit-init sia sang iya kaugalingon kag nagasiling, “Kanami sang kainit! Kanami sang kalayo!”

Ilonggo APD 2022 (Ang Pulong Sang Dios)

Ginasunog niya ang iban nga mga kahoy kag nagasugba siya sang karne sa baga sini. Dayon nagakaon siya sang sinugba kag nagakabusog. Nagapainit-init man siya sa kalayo kag nagasiling, “Hay, maayo kay nainitan ako.”