Isaiah 44:23 — Compare Translations

Ilonggo (Ang Biblia (1982))

Mag-amba, O kamo nga mga langit, kay ang Ginoo naghimo sini; singgit, kamo nga manubo nga mga duug sang duta; mag-amba, kamo nga mga bukid, O talon, kag ang tagsa ka kahoy nga yara sa iya! Kay ang Ginoo nagtubus kay Jacob, kag magahimaya sang iya kaugalingon sa Israel.

Ilonggo (Maayong Balita nga Biblia (2012))

Maghinugyaw sa kalipay, mga kalangitan! Mga kadadalman sang duta, magsinggit! Maghinugyaw sa kalipay, mga kabukiran, kag tagsa ka kahoy sa kagulangan! Ang Ginoo nagluwas sang iya mga tawo nga Israel kag gani nagpakita sia sang iya pagkagamhanan.

Ilonggo APD 2022 (Ang Pulong Sang Dios)

Magkanta ka sa kalipay, O kalangitan! Singgit sing matunog, O kalibutan! Magkanta kamo nga mga bukid, kag mga kahoy sa kagulangan. Kay himuon gid ini sang Ginoo. Luwason niya ang mga kaliwat ni Jacob; ipakita niya ang iya pagkagamhanan sa Israel.