Isaiah 5:2 — Compare Translations

Ilonggo (Ang Biblia (1982))

Ginkutkutan niya ini kag ginkuhaan ini sang mga bato, kag gintamnan ini sang pinili gid nga uvas; ginpatindugan niya sing torre sa tunga sini, kag ginkutkutan ini sing linasan sang uvas; kag nagpaabut sia nga magpatubas ini sing uvas, apang nagpatubas ini sing mga uvas nga talonon.

Ilonggo (Maayong Balita nga Biblia (2012))

Nagkutkot sia sa duta, kag ginkuhaan niya ini sang mga bato; nagtanom sia sing labing maayo nga mga ubas. Nagpatindog sia sing isa ka tore nga balantayan, nagkutkot sia sing buho nga pulogaan sang ubas. Naghulat sia sa pagluto sang mga ubas, pero ang tagsa ka ubas maaslom.

Ilonggo APD 2022 (Ang Pulong Sang Dios)

Gin-arado niya ini kag ginkuhaan sang mga bato, kag gintamnan sang maayo gid nga mga ubas. Nagpatindog siya sang isa ka balantayan sa tunga sang sini nga talamnan kag nagpabuho sa bato para pulugaan sang ubas. Nagpaabot siya nga magbunga ini sing matam-is, pero nagbunga ini sing maaslom.