Isaiah 5:30 — Compare Translations

Ilonggo (Ang Biblia (1982))

Magangurub sila batok sa ila sa sadto nga adlaw, kaangay sang huganas sang dagat. Kag kon ang isa magtolok sa duta, yari karon, kadudulman kag kalisdanan; kag ang kapawa nadulman sa iya mga gal-um.

Ilonggo (Maayong Balita nga Biblia (2012))

Kon mag-abot ina nga adlaw, magangurob sila batok sa Israel pareho sang kagahod sang dagat. Tan-awa ini nga pungsod! Ang makita mo amo ang kadudulman kag pag-antos! Ang kapawa ginlamon sang kadudulman.

Ilonggo APD 2022 (Ang Pulong Sang Dios)

Sa tion nga magsalakay sila sa Israel magasinggit sila nga daw sa huganas sang dagat. Kag kon magtan-aw ang tawo sa duta sang Israel, ang makita niya amo ang kadulom kag kalisod. Ang kasanag magadulom kay tabunan sang madamol nga mga panganod.