Isaiah 66:20 — Compare Translations

Ilonggo (Ang Biblia (1982))

Kag pagowaon nila gikan sa tanan nga pungsud ang tanan ninyong utud nga halad sa Ginoo, sa mga kabayo, kag sa mga kangga, kag sa mga tulabon, kag sa mga mula, kag sa mga dromedario, pakadto sa akon balaan nga bukid nga Jerusalem, nagasiling ang Ginoo, subong nga nagadala ang mga anak sang Israel sang ila mga halad sa suludlan nga matinlo pasulud sa balay sang Ginoo.

Ilonggo (Maayong Balita nga Biblia (2012))

Pagadalhon nila pabalik ang tanan ninyo nga mga kasimanwa halin sa mga pungsod subong isa ka halad sa akon. Pagadalhon nila sila nga nagasakay sa mga kabayo, sa mga mula, sa mga kamelyo, sa mga karwahi kag mga karo, pakadto sa akon balaan nga bukid sa Jerusalem, subong nga ang mga Israelinhon nagadala sing mga halad nga kalan-on sa Templo sa natinluan nga mga sulodlan.

Ilonggo APD 2022 (Ang Pulong Sang Dios)

Kag dal-on nila pabalik halin sa mga nasyon ang tanan ninyo nga mga kasimanwa, nga nagasakay sa mga kabayo, mga mula kag mga camel, kag sa mga karwahe kag karo. Dal-on nila sila sa akon balaan nga bukid sa Jerusalem bilang halad sa akon, pareho sang ginahimo sang mga Israelinhon nga nagahalad sa akon templo sang mga halad nga regalo nga nasulod sa matinlo nga suludlan.