Isaiah 66:5 — Compare Translations

Ilonggo (Ang Biblia (1982))

Pamati sang polong sang Ginoo, kamo nga nagakurug sa iya polong: “Ang inyo mga utud nga nagadumut sa inyo kag nagasobol sa inyo tungud sa akon ngalan nagsiling, ‘Paghimayaon ang Ginoo, agud nga makita namon ang inyo kalipay’; apang ini sila ang pakahuy-an.

Ilonggo (Maayong Balita nga Biblia (2012))

Pamati kamo sa ginasiling sang Ginoo, kamo nga nagatahod kag nagatuman sa iya: “Tungod kay matutom kamo sa akon, ang iban sang inyo kaugalingon nga mga tawo nagadumot sa inyo kag indi magpasilabot sa inyo. Ginayaguta nila kamo kag nagasiling, ‘Ipakita sang Ginoo ang iya pagkagamhanan kag luwason niya kamo agod makita namon nga kamo malipayon.’ Pero sila mismo amo ang mahuy-an!

Ilonggo APD 2022 (Ang Pulong Sang Dios)

Kamo nga nagakahadlok sa mensahi sang Ginoo, pamatii ninyo ang iya pulong: “Tungod nga matutom kamo sa akon, ang iban ninyo nga mga kasimanwa nagadumot kag nagasikway sa inyo. Nagayaguta sila sa inyo nga nagasiling, ‘Magpakita ang Ginoo sang iya gahom para makita namon ang inyo kalipay!’ ” Pero pakahuy-an sila.