Jeremiah 15:10 — Compare Translations

Ilonggo (Ang Biblia (1982))

Kailo ako, iloy ko, kay gin-anak mo ako, lalaking maawayon kag masuayon sa bug-os nga duta! Wala ako makapahulam, kag wala ako mapahulam sang mga tawo, apang ang tagsatagsa sa ila nagapakamalaut sa akon.

Ilonggo (Maayong Balita nga Biblia (2012))

Daw ano ka masinulob-on sa akon! Ngaa bala ginbun-ag pa ako sang akon iloy sa sining kalibutan? Dapat ako mag-away kag magpakigsuay sa kay bisan sin-o sa duta. Wala ako magpahulam ukon maghulam sang kwarta sa kay bisan sin-o, pero ginapakamalaut ako sang tanan.

Ilonggo APD 2022 (Ang Pulong Sang Dios)

Kaluluoy gid sa akon! Kuntani wala na lang ako gintawo sang akon iloy. Ginakontra ako bisan diin sa bilog nga Juda. Wala ako sing may gin-utangan ukon ginpautang, pero ginapakamalaot ako sang tanan.