Jeremiah 17:25 — Compare Translations

Ilonggo (Ang Biblia (1982))

niyan magasulud sa mga gawang sining banwa ang mga hari kag ang mga principe nga nagalingkod sa trono ni David, nga nagasakay sa mga kangga kag sa mga kabayo, sila kag ang ila mga principe, ang mga tawo sang Juda kag ang mga pumuluyo sang Jerusalem; kag ining banwa magapabilin sa gihapon.

Ilonggo (Maayong Balita nga Biblia (2012))

Dayon ang ila mga hari kag mga prinsipe magasulod sa mga pwerta sang Jerusalem kag magaangkon man sang amo nga harianon nga gahom nga iya anay ni David. Upod sa mga pumoluyo sang Juda kag sang Jerusalem, magasakay sila sa mga karwahi kag sa mga kabayo, kag ang siudad sang Jerusalem mapuno sa gihapon sang mga tawo.

Ilonggo APD 2022 (Ang Pulong Sang Dios)

pakamaayuhon ko kamo. May ara gid permi nga hari nga magagahom diri sa Jerusalem nga kaliwat ni David. Magasakay ang hari kag ang iya mga opisyal sa mga karwahe kag mga kabayo kag magaparada pasulod sa mga puwertahan sang siyudad, kaupod sang katawhan sang Juda kag Jerusalem. Kag ini nga siyudad sang Jerusalem pagaestaran hasta san-o.