Jeremiah 19:7 — Compare Translations

Ilonggo (Ang Biblia (1982))

Kag ipakawalay pulus ko ang laygay sang Juda kag sang Jerusalem sa sining duug, kag ipapukan ko sila sa espada sa atubangan sang ila mga kaaway, kag sa kamut sang mga nagatinguha sang ila mga kabuhi. Ihatag ko ang ila mga bangkay nga kalan-on sa kapispisan sang mga langit kag sa kasapatan sang duta.

Ilonggo (Maayong Balita nga Biblia (2012))

Sa sini nga lugar gub-on ko ang tanan nga mga plano sang mga tawo sang Juda kag Jerusalem. Padag-on ko batok sa ila ang ila mga kaaway nga amo ang magapamatay sa ila sa inaway. Ihatag ko ang ila mga bangkay sa mga pispis kag sa mga sapat nga talunon subong kalan-on.

Ilonggo APD 2022 (Ang Pulong Sang Dios)

Diri mismo sa sini nga lugar gub-on ko ang plano sang Juda kag Jerusalem. Ipapatay ko sila sa ila mga kaaway paagi sa inaway, kag ipakaon ko ang ila mga bangkay sa mga pispis kag talunon nga mga sapat.