Jeremiah 24:8 — Compare Translations

Ilonggo (Ang Biblia (1982))

“Apang subong sang malain nga mga higos nga indi makaon kay tama sila kalain, amo ini ang ginasiling sang Ginoo, sa amo itugyan ko si Sedequias nga hari sang Juda, ang iya mga principe, ang salin sa Jerusalem nga nabilin sa sini nga duta, kag ang mga nagapuyo sa duta sang Egipto.

Ilonggo (Maayong Balita nga Biblia (2012))

“Kon nahanungod kay Haring Sedequias sang Juda, ang mga opisyales sa palibot niya, kag ang nabilin nga mga tawo sang Jerusalem nga nagpabilin sa sini nga duta, kag nagkadto sa Ehipto—ako, ang Ginoo, magakabig sa ila tanan kaangay sini nga malain nga mga higos nga indi na makaon.

Ilonggo APD 2022 (Ang Pulong Sang Dios)

“Pero kabigon ko nga pareho sa malain nga mga higos nga indi makaon si Haring Zedekia sang Juda kag ang iya mga opisyal, pati ang tanan nga Israelinhon nga nabilin nga buhi sa Jerusalem ukon sa Egypt.