Jeremiah 25:27 — Compare Translations

Ilonggo (Ang Biblia (1982))

“Niyan isiling mo sa ila, ‘Amo ini ang ginasiling sang Ginoo sang mga kasoldadosan, ang Dios sang Israel: Inum kamo, mahobog kag magbuga, mapukan kag dili na magbangon, bangud sang espada nga ipadala ko sa tunga ninyo.’

Ilonggo (Maayong Balita nga Biblia (2012))

Dayon ang Ginoo nagsiling sa akon, “Singgana ang mga tawo nga Ako, ang Ginoo sang mga hangaway, ang Dios sang Israel, nagasugo sa ila sa pag-inom tubtob nga mahubog sila kag magsuluka, tubtob magkalapukan sila kag indi na makabangon, tungod sang inaway nga akon ipadala batok sa ila.

Ilonggo APD 2022 (Ang Pulong Sang Dios)

Dayon nagsiling ang Ginoo sa akon, “Ihambal sa sini nga mga nasyon nga ako, ang Ginoo nga Makagagahom, ang Dios sang Israel, nagasiling: Sige, mag-inom kamo sa kupa sang akon kaakig hasta nga magkalahubog kamo, magsululuka, magkalatumba kag indi na makabangon pa, tungod kay padal-an ko kamo sang inaway.