Jeremiah 26:18 — Compare Translations

Ilonggo (Ang Biblia (1982))

“Si Miqueas nga Morasnon nagtagna sa mga adlaw ni Esequias nga hari sang Juda, kag nagpamolong sia sa bug-os nga katawohan sang Juda: ‘Amo ini ang ginasiling sang Ginoo sang mga kasoldadosan, Ang Sion aradohon subong sang ulumhan; ang Jerusalem mangintinumpok, kag ang bukid sang balay subong sang mataas nga mga duug sang talon.’

Ilonggo (Maayong Balita nga Biblia (2012))

“Sang si Ezequias amo ang hari sang Juda, si Miqueas nga propeta sang Moreset nagsiling sa tanan nga mga tawo nga ang Ginoo sang mga hangaway nagsiling: ‘Ang Sion pagaaraduhon kaangay sang isa ka talamnan, ang Jerusalem mangin-isa ka tinumpukan sang ginub-an, kag ang bakulod sang Templo mangin-isa ka kagulangan.’

Ilonggo APD 2022 (Ang Pulong Sang Dios)

“Sang si Hezekia ang hari sang Juda, si Micas nga taga-Moreshet nagsugid sang mensahi sang Ginoo sa tanan nga katawhan sang Juda. Siling niya, ‘Nagsiling ang Ginoo nga Makagagahom nga pagalaglagon ang Zion, ang siyudad sang Jerusalem. Mangin pareho ini sa gin-arado nga uma, kag mangin tinumpukan sang mga nagkalaguba. Kag mangin kagulangan ang bukid nga ginatindugan sang templo.’