Jeremiah 27:18 — Compare Translations

Ilonggo (Ang Biblia (1982))

Apang kon sila mga manalagna, kag kon yara sa ila ang polong sang Ginoo, magpakilooy sila karon sa Ginoo sang mga kasoldadosan, nga ang mga gamit nga nabilin sa balay sang Ginoo sa balay sang hari sang Juda, kag sa Jerusalem indi pagdalhon sa Babilonia.

Ilonggo (Maayong Balita nga Biblia (2012))

Kon sila matuod gid nga mga propeta, kag kon yara sa ila ang akon mga pulong, papangayua sila sa akon, ang Ginoo sang mga hangaway, nga indi ko pagtugotan nga ang mga manggad nga nabilin sa Templo kag sa palasyo sang hari nga dalhon sa Babilonia.”

Ilonggo APD 2022 (Ang Pulong Sang Dios)

Kon matuod nga mga propeta sila kag ang ila ginahambal halin sa Ginoo, magpakitluoy sila sa Ginoo nga Makagagahom nga ang mga kagamitan nga nabilin sa templo, sa palasyo sang hari sang Juda, kag sa Jerusalem indi na pagdal-on sa Babilonia.