Jeremiah 30:10 — Compare Translations

Ilonggo (Ang Biblia (1982))

“Busa dili ka magkahadluk, O Jacob nga akon alagad, nagasiling ang Ginoo, kag dili magkahangawa, O Israel; kay yari karon, luwason ko ikaw gikan sa malayo, kag ang imo kaliwat gikan sa duta sang ila kabihagan. Si Jacob magabalik kag magalinong kag magatawhay, kag wala gid sing magapahadluk sa iya.

Ilonggo (Maayong Balita nga Biblia (2012))

“Mga tawo ko indi kamo magkahadlok, mga tawo sang Israel, indi kamo magkakugmat. Luwason ko kamo gikan sa sadtong malayo nga duta, gikan sa duta sa diin mga binilanggo kamo. Magapauli kamo kag magakabuhi sa paghidait; indi na kamo maano, kag wala sing may makapahadlok sa inyo.

Ilonggo APD 2022 (Ang Pulong Sang Dios)

“Gani indi kamo magkahadlok ukon magpakulba, kamo nga mga kaliwat ni Jacob nga akon alagad. Ako, ang Ginoo, nagasiling nga kuhaon ko gid kamo dira sa malayo nga lugar nga sa diin ginbihag kamo. Dayon magakabuhi kamo nga may kalinong. Indi na kamo maano kag wala na sing may magpahadlok sa inyo.