Jeremiah 34:18 — Compare Translations

Ilonggo (Ang Biblia (1982))

Kag ang mga tawo nga naglalis sang akon katipan nga wala magtuman sang mga polong sang katipan nga ginhimo nila sa akon atubangan, himoon ko kaangay sang ginpihak nila ang tinday nga baka kag nag-agi sa ulut sa mga pinihak niya—

Ilonggo (Maayong Balita nga Biblia (2012))

Ang mga opisyales sang Juda kag sang Jerusalem, lakip ang mga opisyales sang palasyo, ang mga pari, kag ang tanan nga mga pangulo, naghimo sing kasugtanan sa akon paagi sa paglakat sa tunga sang ginpihak nga toro nga baka nga ila ginpihak sa duha ka bahin. Pero ginlapas nila ang kasugtanan nga ila ginhimo sa akon atubang kag wala nila gintuman ang mga tulomanon sini. Gani, himuon ko sa sini nga mga tawo ang ginhimo nila sa toro nga baka.

Ilonggo APD 2022 (Ang Pulong Sang Dios)

Ang mga opisyal sang Juda kag Jerusalem kag ang mga opisyal sang palasyo, pati ang mga pari kag ang tanan nga pumuluyo naghimo sang kasugtanan sa akon paagi sa ila nga paglakat sa tunga sang ginpihak nga bataon nga baka. Pero wala nila pagtumana ang ila kasugtanan sa akon, gani himuon ko man sa ila ang ila ginhimo sa bataon nga baka.