Jeremiah 42:17 — Compare Translations

Ilonggo (Ang Biblia (1982))

Ang tanan nga tawo nga nagatuhuy sang ila nawung sa pagsulud sa Egipto sa pagpanlugayaw didto mapatay sila sa espada, sa tiggulutum, kag sa kamatay; wala gid sa ila sing mabilin ukon makapalagyo sa malaut nga dalhon ko sa ila.

Ilonggo (Maayong Balita nga Biblia (2012))

Ang tanan nga mga tawo nga nagpamat-od sa paglakat kag pag-estar sa Ehipto mapatay sa inaway, ukon sa gutom, ukon sa balatian. Wala sing bisan isa sa ila nga mabuhi, wala sing isa nga makapalagyo sa kalalat-an nga akon ipadala sa ila.’

Ilonggo APD 2022 (Ang Pulong Sang Dios)

Huo, ang tanan nga gusto mag-estar sa Egypt mapatay sa inaway, gutom, kag balatian. Wala gid sing bisan isa sa ila nga makaluwas ukon makapalagyo sa kalaglagan nga ipadala ko sa ila.’