Jeremiah 48:33 — Compare Translations

Ilonggo (Ang Biblia (1982))

Ang kasadya kag ang kalipay ginkuha sa latagon nga mabungahon sa duta sang Moab; ginpauntat ko ang alak sa mga linasan sang uvas; walay na magalinas nga may pagsinggit; ang pagsinggit indi na pagsinggit sang kalipay.

Ilonggo (Maayong Balita nga Biblia (2012))

Ang kalipay kag kasadya ginkuha sa mapatubason nga duta sang Moab. Ginpauntat ko ang pag-ilig sang bino sa mga pulogaan. Wala na sing bisan isa nga nagahimo sing bino kag nagasinggit sa kalipay.

Ilonggo APD 2022 (Ang Pulong Sang Dios)

Wala na sing may mabatian nga kinalipay kag sinadya sa mga uma kag sa mga talamnan sang ubas sa duta sang Moab. Wala na nagailig ang bino sa pulugaan sang ubas. Wala na sing may nagalinas sang ubas nga nagasininggit sa kalipay. May pagsininggit matuod pero indi pagsininggit sa kalipay.