Jeremiah 5:17 — Compare Translations

Ilonggo (Ang Biblia (1982))

Kaonon nila ang imo patubas kag ang imo kalan-on; nga kalan-on sang imo mga anak nga lalaki kag sang imo mga anak nga babayi; kaonon nila ang imo kabakahan; kaonon nila ang imo uvas kag ang imo mga higuera; ang imo napamakuran mga banwa nga ginasaligan mo saksakon nila sang espada.

Ilonggo (Maayong Balita nga Biblia (2012))

Kaunon nila ang inyo mga patubas kag kalan-on, pamatyon nila ang inyo mga anak nga lalaki kag babayi. Ihawon nila ang inyo mga panong kag mga kasapatan, laglagon nila ang inyo mga balagon sang ubas kag mga higera. Ang ila mga hangaway magalaglag sang napamakuran nga mga siudad nga inyo ginasaligan.

Ilonggo APD 2022 (Ang Pulong Sang Dios)

Ubuson nila ang inyo mga patubas, mga pagkaon, pati ang inyo mga ubas kag mga higera. Pamatyon nila ang inyo mga kasapatan kag mga kabataan. Gub-on nila ang inyo napaderan nga mga banwa, nga ginasaligan ninyo nga makadepensa sa inyo.