Jeremiah 50:15 — Compare Translations

Ilonggo (Ang Biblia (1982))

Magsinggit batok sa iya sa palibut, nagpasakup sia; nagakapukan ang iya mga pamakud, nagakawasak ang iya mga kuta. Kay pagtimalus ini sang Ginoo: timalusi sia, himoa sa iya subong sang ginhimo niya.

Ilonggo (Maayong Balita nga Biblia (2012))

Isinggit ang panawag sa inaway sa palibot sang siudad! Karon ang Babilonia nag-ampo. Ang iya mga pader nalusod kag naguba. Ako magatimalos sa mga taga-Babilonia. Gani timalusi sila, kag himua sa ila ang ila ginhimo sa iban.

Ilonggo APD 2022 (Ang Pulong Sang Dios)

Magsinggit kamo kontra sa iya sa tanan nga direksyon. Tan-awa! Nagsurender na ang Babilonia! Nagkalarumpag na ang iya mga tore kag nagkalaguba ang iya mga pader. Pagbalos ini sang Ginoo sa iya, gani balusi ninyo siya kag himua sa iya ang ginhimo niya sa iban.