Jeremiah 52:25 — Compare Translations

Ilonggo (Ang Biblia (1982))

kag sa banwa nagkuha sia sing manugdumala sa pagpangolo sang mga tawo sa inaway, kag pito ka tawo sa ila nga nagtan-aw sa nawung sang hari, nga nakita sa banwa; kag sang escriba nga pangolo sang kasoldadosan nga nagtipon sang mga katawohan sang duta; kag kan-uman ka lalaki sang katawohan sang duta, nga nakita sa tunga sang banwa.

Ilonggo (Maayong Balita nga Biblia (2012))

Gikan sa siudad nagkuha sia sing isa ka opisyal nga nagpangulo anay sang mga hangaway, sing pito ka mga manuglaygay sang hari nga yadto pa didto sa siudad, ang kabulig sang komandante nga gintugyanan sang mga papeles sang mga soldado, kag sesenta pa ka iban nga mga tawo nga importante.

Ilonggo APD 2022 (Ang Pulong Sang Dios)

Kag amo pa gid ini ang iya mga nakita kag ginbihag sa siyudad: ang opisyal sang mga soldado sang Juda, ang pito sa mga manugdumala sang hari, ang kumander nga nagapanguha sa mga tawo nga mangin soldado, kag ang 60 pa ka pumuluyo didto.