Jeremiah 8:12 — Compare Translations

Ilonggo (Ang Biblia (1982))

Nahuya bala sila sang naghimo sila sing kangil-aran? Wala, wala gid sila mahuya; ukon makapalamula sila. Busa mapukan sila sa tunga sang mga nagakapukan; sa tion nga silotan ko sila, pukanon sila, nagasiling ang Ginoo.

Ilonggo (Maayong Balita nga Biblia (2012))

Mga tawo ko, nahuya bala kamo tungod kay ginhimo ninyo ining makangilil-ad nga mga butang? Wala! Wala gid kamo mahuya. Wala gani kamo nagapanghilawhilaw! Gani, mapukan kamo subong nga ang iban napukan, kon silutan ko kamo, matapos gid kamo. Ako, ang Ginoo, naghambal sini.

Ilonggo APD 2022 (Ang Pulong Sang Dios)

Nahuya bala sila sa ila makangilil-ad nga batasan? Wala! Kay wala na sila sing huya! Wala na gani sila nagapanghilaw-hilaw. Gani ako, ang Ginoo, nagasiling nga malaglag sila pareho sa iban. Paubuson sila sa tion nga silutan sila.