Joel 2:23 — Compare Translations

Ilonggo (Ang Biblia (1982))

“Magkasadya niyan, kamo nga mga anak sang Sion, kag magkalipay sa Ginoo, nga inyo Dios; kay nagahatag sia sa inyo sang una nga ulan sing nagakaigo, ginapatupa niya sa inyo ang ulan, ang una nga ulan kag ang olihi nga ulan, sa nahauna nga bulan.

Ilonggo (Maayong Balita nga Biblia (2012))

“Magkalipay kamo, O mga tawo sang Sion, magkasadya kamo tungod sang nahimo sa inyo sang Ginoo nga inyo Dios. Ginhatagan niya kamo sang nagakaigo nga tinguna nga ulan, ginpadalhan niya kamo sing madason nga ulan, ang ulihi nga ulan subong sang una.

Ilonggo APD 2022 (Ang Pulong Sang Dios)

Kamo nga katawhan sang Zion, magkalipay kamo sa ginhimo sa inyo sang Ginoo nga inyo Dios. Kay ginhatagan niya kamo sang nahauna nga ulan sa pagpakita nga matarong siya. Ginpadal-an niya kamo sang nahauna nga ulan kag sang masunod pa nga ulan pareho sang una.