Joel 3:13 — Compare Translations

Ilonggo (Ang Biblia (1982))

Igolo ninyo ang galab, kay gulang na ang alanyon. Kari, linas kamo, kay ang ipitan puno. Nagaalawas ang mga kawa, kay daku ang pagkamalaut nila.

Ilonggo (Maayong Balita nga Biblia (2012))

Tama sila kalaut, gani galaba sila subong sang trigo sa tion sang tig-alani, linasa sila subong sang paglinas sang ubas sa pulogaan tubtob nga mag-awas ang bino.”

Ilonggo APD 2022 (Ang Pulong Sang Dios)

Daw pareho sila sa alanihon nga dapat garabon na tungod kay luto na, ukon daw pareho sa ubas nga dapat pugaon na tungod kay puno na sang ubas ang pulugaan. Masyado na sila kalaot; ang ila mga sala daw pareho sa duga sang ubas nga nagaawas sa suludlan sini.”